رساله الى كل..........

    شاطر
    avatar
    نور القلب
    مشرفة منتدى الحوار العام
    مشرفة منتدى الحوار العام

    انثى
    عدد الرسائل : 2219
    العمر : 28
    Location : فى عالم الخيااااااااااااال ثم الخيااااااااااال
    نقاط : 379
    تاريخ التسجيل : 05/08/2007

    رساله الى كل..........

    مُساهمة من طرف نور القلب في الثلاثاء 19 أكتوبر 2010 - 16:51

    السلام عليكم ورحمه الله وبركاته
    قبل ما ابدا الموضوع بليز اوعدنى ايوه اوعدنى
    انك تقرا للاخر بالله عليك يلا اوعدنى شاطر
    وحقك ف الوعد ده لو الموضوع مش عجبك اعمل اللى انت عاوزه فيا
    مع انك مش هتقدر لانى واثقه انه هيعجبك Very Happy
    اه عارفه انى رخمه سمعاك وانت بتقول
    يلا بينا
    رساله الى كل............
    رساله الى كل حزين
    الى كل مكتئب
    الى كل فاقد امل
    الى كل متشائم
    الى كل مخدوع
    الى كل الناس
    ابتسم
    بقولك ابتسم
    لا دلوقتى
    اه دلوقتى يلا ابتسم
    بالله عليك يا شيخ ابتسم
    ابتسمت ايوه كده شاطر

    نتكلم بقه
    انت حزين ليه؟
    ليه ؟
    قول معلش عشان مش سامعه
    ايه قول تانى كده
    اهااااااااااااا
    صاحبك خانك !!! تؤ تؤ يا حرام
    مش لاقى شغل !!! لا حول ولا قوة الا بالله
    حبيبك باعك !!! هتعيش ازى يا عينى
    مش معاك فلوس فقير ومش عارف تعيش !!!! لا انت بجد عيشتك صعبه اوى كان الله ف عونك
    فاشل ف حياتك وف علاقاتك وحتى ف دراستك !!!! ايه ده يا بنى خد اسم الدكتور النفسى ده احسن
    بتحب الحزن واتعودت عليه خلاص وحابه لان مفيش حاجه اصلا تفرح !!! لالالالالالالا ده انت حالتك صعبه اوى

    والخ والخ الخ .......... ويا عينى انت غلبان وضايع ف النص
    مش ده اللى بنقوله لنفسنا والناس بتقوله لينا

    بس لالالالالالالالالالالالالا
    لازم تقول لا هتقول ايه البت العبيطه دى شكلها رايقه وجايه تصدع دماغنا
    ما هى مفيش حاجه منكده عليها عيشتها زينا
    ههههههههههههههههههههههههههههههههه
    ايوه بضحك
    تصدق انى مش هقول اكتر واحده قابله حاجات ف حياتها وحشه
    هقول حاجه واحده بس من ضمن الحاجات الكتير دى
    شخص فقد امه ياتره يستحق يكون حزين ولا لاء
    احكم انت
    شخص مفيش شغل مفيش ارتباط مفيش اى حاجه غير قاعدة البيت
    احكم انت
    شخص يمكن تكون الفتره دى اصعب فترات حياته والمفروض انه يمر بحاله اكتئاب
    ههههههههههههههه
    وبرده بيضحك

    اه اه
    انا الشخص ده

    شوفت ازى وف حاجات كتير لسه بس كفايه عشان الرقابه Wink بهزر احسن حد يفهم غلط
    بس بجد لالالالالالالالالا
    لازم نفرح وننسه الحزن خالص
    مش عشان هبل ولا كلام برامج والدكاتره النفسين والحاجات الهبل دى
    لا لالالالالا خالص
    طيب تسمحلى بسؤال
    انت لسه باقى ف عمرك قد ايه
    ايه
    ايوه شاطر الاعمار بيد الله
    يعنى انت وانا وهو وهى اه انتى اللى بتقراى محدش فينا عارف هيموت امته
    يعنى ممكن اموت حالا وانا بكتب
    يبقه ليه احزن
    ليه مش افرح
    اعيش الدنيا
    ابتسم
    واخلى اللى حواليا يفرحوا
    فقدت شخص عزيز عليك
    فكر لو هو فعلا يستحق
    اذا مش هيحب يشوفك حزين
    اذا ابتسم
    ولو مش يستحق نعمل ايه
    برده نبتسم
    لانه مش يستاهل ولو لحظه من حياتنا نضيعها حزن عليه
    عاوزه تحب تتجوز تكون اسره ومش عارف
    ابتسم
    لان حزنك مش هيعمل كل ده ابتسامتك رضاك تفائلك هيعمل الحاجات الحلوه دى
    فاشل ف حياتك ومش عارفه تعمل ايه
    ابتسم
    واقف تانى وجرب تانى وتالت ورابع هتنجح اكيد ف مره من المرات دى
    لان الحزن مش هيعمل جديد ف حياتك الا انه هيزودها فشل لو عاوزه انت حر يا سيدى
    صاحبك خانك كويس جدااااااااااا
    تجربه واتعلمنا منها امال هنتعلم منين ما من الحياه والتجارب دى عشان المره الجاى تفكر تختار صاحبك كويس
    واكيد هيكون افضل
    بجد الحياه قصيره اوى والحزن بيقصرها ااكتر
    طيب جرب كده

    افرح يوم واحزن يوم وشوف فين الفرق
    اليوم السعيد حلو اوى

    وبالتالى كل الناس نفسها فيه
    عمرك شوفت واحد بيقول نفسى اعيش يوم حزين اكيد لا الكل بيقول نفسى اعيش يوم سعيد
    طيب ما هو قدامك اهوه وانت عايشه ايوه النهارده
    انت ضامن تعيش بكره

    طيب يلا عيش النهارده بسعاده يمكن بكره مش يجى وبتالى تموت من غير ما تعيش اسعد يوم ف حياتك
    طيب عمرك شوفت ناس بتحب تقعد مع شخص حزين حتى لو مين اوك هيقعد النهارده بكره بعده شهر اتنين بعدين هيمل محدش بيحب الحزن والكل هيبعد عنك
    وهتفضل قاعد لوحدك مش لانهم اندال لا لان الحزن وحش جرب كده تكون سعيد هتلاقى كل الناس معاك بتفرح معاك هتحس بتغير ف حياتك حركه حب حياه تانيه خالص
    جرب انت بس وبطل رخامه

    هتقول كل ده ازى
    هقولك انا
    متخفش معايا حل لكل حاجه
    قوم دلوقتى اطنط ع السرير
    افرح غنى ارقص
    فكر ف كل حاجه حلو
    كل ما تيجى حاجه وحشه ع دماغك
    حد خانك حد خدعك
    عدم نجاحك
    الحاجات دى كلها
    قول لالالالالالا
    بصوت عالى
    اه كلم نفسك قول انا هكون احسن
    انا هعيش من غير الخاين
    انا هنجح
    انا هشتغل انا هنتج
    انا هخلى كل الناس تفرح تبتسم
    قول الكلام ده بصوت عالى
    اقنع نفسك حتى لو بالكلام هتلاقى الفعل جه لوحده
    هات طفل قضى معه يوم
    شوف ضحتكه برائته
    شوف الصفا اللى هو فيه صمم تكون زيه مبسوط فرحان وبتنجز كمان
    انت كنت زيه فعلا بس شوهت الصوره دى بحزنك
    امسح الحزن ده وارجع زيه
    غير الاغانى الحزينه اللى بتسمعها شغل اغانى مفرحه
    هتفرق جامد
    كل ما تشوف حد ابتسم ف وشه ضيف السعاده ع كل اللى حواليك
    بجد افرح

    الحزن وحش اوى
    الفرح بيساعد ع النجاح
    مش انت عاوز تنجح
    طيب افرح
    مش انت عاوز تنسه اللى خانك
    افرح وابتسم عشان تقهره
    مش انت عاوز تكون غنى افرح وابتسم عشان ترضى بحالك
    وتفكر ف مستقبلك
    وهتبقه غنى
    انت لسه قاعد حزين
    مش تضايقنى بقه
    ايوه اضحك
    قوم يلا الثانيه دى اطنط غنى
    اضحك
    قول من جواك بحب الحياه
    وهزم كل اللى ضايقنى
    هكون شخص تانى
    مش هعيش وحيد
    هطلع من الضلمه عشان اشوف احلى نور
    اه كل نهار بيحى وراه ليل بس الليل فيه قمر جميل كون انت القمر ده
    نور ليل حياتك
    وكل ليل بيجى ورا نهار وبيكون ف شمس كون انت الشمس دى وضيف الدفء لحياتك والنشاط والحيويه
    مش كلام والله مش كلام
    كل لما تيجى تحس انك خلاص ها هتعيط هتزعل هتفتكر حاجه وحشه هز راسك اوى
    ايوه كده بالظبط
    وقول انا لازم اتغير حتى لو لمجرد انى اجرب حياة السعاده بتكون ازى
    اه ولو عاوز تضحك ابقه افتكرنى ايوه
    انا المجنونه
    مجنونه بافكارى
    جنن افكارك وانت هتفرح
    انت وعدتنى فوق انك تقرا للاخر ياتره وصلت للاخر ولا لا
    ده وعد وانت حر بقه قدام ربنا
    الرساله دى ليا قبل ما تكون لى اى شخص
    ويلا ننطلق نشوف افكارنا المجنونه هتودينا فين
    ملحوظه
    عارفه ان الموضوع طويل وده غصب عنى
    وبجد معرفش حد هيتقبله ولا لا
    هيستفاد منه ولا لا
    كل اللى بطلبه محدش يكرهنى محدش يسترخمنى
    دى افكار ولكل شخص افكار للاخر حق الموافق او الاعتراض عليها
    بس بلاش كره Smile

    اختكم المجنونه
    نــــــور القلب




    Just Imagine

    mona
    عضو جديد
    عضو جديد

    انثى
    عدد الرسائل : 7
    نقاط : 4
    تاريخ التسجيل : 01/05/2008

    رد: رساله الى كل..........

    مُساهمة من طرف mona في الخميس 21 أكتوبر 2010 - 1:18

    جزاكي الله خيرا بجد موضوعك جميل جدا
    جه في وقت مناسب
    avatar
    ahmed sultan
    مشـرف قسم الـ Networks
    مشـرف قسم الـ Networks

    ذكر
    عدد الرسائل : 2165
    العمر : 28
    نقاط : 630
    تاريخ التسجيل : 28/07/2007

    رد: رساله الى كل..........

    مُساهمة من طرف ahmed sultan في الخميس 21 أكتوبر 2010 - 3:26

    Just wanna say

    Excellent









    avatar
    احلى الاوقات
    عضو فعال
    عضو فعال

    انثى
    عدد الرسائل : 265
    العمر : 27
    نقاط : 57
    تاريخ التسجيل : 16/08/2007

    رد: رساله الى كل..........

    مُساهمة من طرف احلى الاوقات في السبت 23 أكتوبر 2010 - 10:29

    يارب الناس كلها تكون بخير Smile
    avatar
    fourier hater
    عضو نشيط
    عضو نشيط

    ذكر
    عدد الرسائل : 66
    العمر : 29
    Location : ارض الله الواسعة
    Favorites : poetry-programming-football
    نقاط : 94
    تاريخ التسجيل : 29/05/2010

    رد: رساله الى كل..........

    مُساهمة من طرف fourier hater في الأحد 24 أكتوبر 2010 - 13:32

    very good

      الوقت/التاريخ الآن هو الأحد 22 أكتوبر 2017 - 21:11